Sekretari amerikan i shtetit, Anthony Blinken ka reaguar pas takimit me ministren e Jashtme, Olta Xhaçka në kuadër të dialogut strategjik SHBA-Shqipëri.

Ai tha se ishte diskutuar lidhur me reformën Demokratike, mbrotjen kibernetike dhe prioritete të tjera të bashkëpunimit.

Postimi i Plotë nga Anthony Blinken:

Më vjen mirë të shoh mikeshën time Olta Xhacka dhe të festoj një Dialog Strategjik të suksesshëm SHBA-Shqipëri. Ne diskutuam për prioritetet e përbashkëta në reformën demokratike, mbrojtjen, duke përfshirë mbrojtjen kibernetike, ndryshimet klimatike dhe tregtinë. Shtetet e Bashkuara qëndrojnë krah për krah me Shqipërinë, një aleate prej kohësh.