Partisë së Lirisë do të mbajë sot Konventën Kombëtare, në të cilën do zgjidhen forumet e reja drejtuese të partisë. Konventa Kombëtare në zbatim të vendimeve të Komitetit Organizator do të miratojë disa ndryshime statutore, programin politik të partisë si dhe zgjedhjen e anëtarëve të Komitetit Drejtues Kombëtar.

Kryetari i partisë, Ilir Meta, një ditë më parë shpërndau një video të shkurtër në rrjetin social Tik Tok me të rinjtë e PL-së. Ai tha se në Konventë do të diskutohen tema të rëndësishme, ndërsa paralajmëroi se do merren vendime të rëndësishme për vendin dhe rininë shqiptare.

“Nesër (sot) do të takohemi në Konventën Kombëtare Zgjedhore të Partisë së Lirisë, në mënyrë që të diskutojmë e të marrim vendime të rëndësishme për Shqipërinë që u përket të rinjve”, tha Meta.

Konventa do t’i hapë punimet në orën 11:00 dhe kjo e shtunë duket se do jetë një ditë e gjatë për Partinë e Lirisë. Mbajtja e Konventës vjen disa ditë pasi PL-ja nënshkroi një marrëveshje bashkëpunimi me Partinë Demokratike, në funksion të zgjedhjeve lokale të 14 majit 2023.

Sipas marrëveshjes, të dyja partitë do të nxjerrin kandidatë të përbashkët, ndërsa janë shprehur se ky formacion politik do jetë fitues në zgjedhje.