Në vazhdimin e takimit më fermerë, operatorë turistik në Dibër, Kryeministri Edi Rama i shoqëruar nga Ministrja e Energjitikës Belinda Balluku, Ministrja e Turizmit Mirela Kumbaro dhe Ministrja e Bujqësisë dhe Zhvillimit Rural, Frida Krifca, bashkëbisedon me fermerët dhe blegtorët e zonës.

Kryeministri Rama flet për qytetarët e interesuar për të investuar në vendin e tyre duke marrë mbështetje nga qeveria. Po ashtu në një bashkëbisedim me një qytetar Rama ndan kritikat që merr përditë. Ai u shpreh se dëgjon shpesh frazën “O idiot, nuk bëhet ky vend”, por tha se është i bindur që ky vend bëhet.

“Për sa i përket personave të interesuar në investime por për rrethana të ndryshme nuk i kanë të dokumentuara pronësitë e tokave , ne nuk do ti pengojmë pavarësisht këtyre mungesave. Dhe në rast se del një pronar i pretenduar ose real do merret shteti dhe jo individët.

Bashkë me Bashkinë e Dibrës jemi duke mbështetur dhe ndihmuar fermerët.

Kjo zonë është e bekuar nga Zoti dhe këto vite bekimi po kthehen në mirësi falë jush dhe atyre që ndërtojnë këto struktura. Ky vend është Austri e Zvicër. Mjafton të ketë dëshirë e vullnet, do të mbështesim njeri tjetrin.

Mua më thonë përditë “O idiot nuk bëhet ky vend”, ndërkohë ty të thonë “Se ke ti fajin”, ndërkohë mua më thonë “Ti e ke fajin”.
Jeni frymëzim për ne dhe nxitje për qytetaret e tjerë tu bashkohen në rrugën tuaj”, tha Rama.