Mund të tingëllojë absurde, por kjo është e vërtetë. Në rezidencën e “Kodrës së Diellit”, shërbimet e sigurisë nuk e lejojnë median të hyjë brenda për të kryer raportime, ndërsa mbrëmjen e kaluar persona të paidentifikuar depërtuan lehtësisht në zemër të rezidencës “së sigurtë” dhe ekzekutuan 39-vjeçarin nga Lezha, Briken Sanaj.

Sipas rojës së rezidencës, është një urdhër i brendshëm ku asnjë prej anëtarëve të medias nuk mund të hyjë brenda.

Referuar burimeve, gazetari Elvis Myrta, raporton se viktima ishte duke qëndruar me disa miq në momentin kur është qëlluar me armë.

Grupi hetimor vijon pënën për identifikimin e autorit/ve, ndërkohë në Qafë Kashar policia gjeti një automjet të djegur, i cili dyshohet të jetë përdorur nga autorët e krimit.