Behar Hajdini 30-vjeç, i dënuar me 7 vite burg për trafik droge ka përfunduar në prangat policisë së kryeqytetit. I riu u arrestua nga komisariati nr.3, pas marrjes së informacioneve për vendodhjen e tij

Ai ishte shpallur në kërkim që prej gushtit te vitit 2018, pasi së bashku me 4 persona të tjerë po trafikonin një sasi prej 67 kg kababis.

Në atë kohë u arrestuan Xhevahir Lusha, Ilirjan Selimi, Ervin Lika, dhe Besnik Lika, ndërsa në kërkim u shpall Hajdini në atë kohë 26-vjeç.

Katër vite më parë këta persona u kapën në flagrancë në rrugën “Teuta”. Sipas policisë, në bashkëpunim me njëri-tjetrin, ata po transportonin qese me lëndë të dyshuar narkotike të llojit kanabis nga banesa e vëllezërve Ervin e Besnik Lika, në bagazhin e një automjeti tip “Golf”.

Nw cilësinë e provës materiale u sekuestruan 67 kilogramë lëndë e narkotike e llojit kanabis sativa, 3 aparate celularë dhe automjeti tip “Golf”.

Për këtë ngjarje Hajdini është gjykuar në mungesë, ku është shpallur fajtor e dënuar me 7 vite burg, ku ditën e djeshme u vu ne prangat e bluve të kryeqytetit.