Kryeministri i vendit, Edi Rama, ka shkruar në “Twitter”, ku thotë se “ka vetëm një raport ndërkombëtar të thellë e të besueshëm për ecurinë e vendit: Raporti i Progresit të Shqipërisë nga Bashkimi Europian”.

Ai thotë se ky progres raport është objektiv dhe përmban analiza konkrete, të cilat sipas tij tregojnë ecurinë e zhvillimeve kyçe të vendit.

Shefi i qeverisë duket se nuk llogarit raportet e tjera ndërkombëtare, si atë të DASH, i cili shpeshherë ka treguar temat e nxehta, që shqetësojnë Shqipërinë dhe sfidat e saj për të ardhmen.

“Për mua ka vetëm një raport ndërkombëtar të thellë e të besueshëm 100% për ecurinë e vendit: Raporti i Progresit të Shqipërisë nga Bashkimi Europian – fakte jo perceptime, analiza objektive jo gjykime subjektive, skuadër profesionale me kohë të plotë, jo nënkontraktorë part-time”, shkruan Rama.