Autoritetet e Koresë së Jugut janë shprehur se nuk kishin udhëzime për të trajtuar turmat e mëdha që u mblodhën për festimet e Halloween në Seul.

Kujtojmë që tragjedia me 154 viktima ndodhi në rrugicat e lagjes Itaewon, në Seoul, ku dëshmitarët okularë e përshkruan ngjarjen si të tmerrshme dhe se njerëzit nuk ishin në gjendje të lëviznin ose të merrnin frymë në një rrugë jo më shumë se 4 metra të gjerë.

Altarët zyrtarë përkujtimorë u ngritën në qendër të Seulit ditën e sotme të shoqëruar me foto të viktimave dhe me buqeta me lule të bardha.

Presidenti i Koresë së Jugut, Yoon Suk Yeol, gruaja e tij, Kim Keon-hee, dhe zyrtarë të lartë, duke përfshirë kryeministrin dhe kryebashkiakun e Seulit, iu bashkuan vajtuesve.

Viktimat ishin kryesisht të rinj që kishin shkuar në Itaewon të shtunën në mbrëmje, të etur për festimet e para të Halloween të Koresë së Jugut në vite pa kufizime Covid.

Nga 154 të vdekurit, 12 ishin adoleshentë dhe 102 ishin rreth të 20-tave, tha Ministria e Brendshme dhe Siguria në raportin e saj të situatës të hënën, me 55 meshkuj dhe 99 femra të vrarë.

Në mesin e tyre ishin 26 shtetas të huaj nga vende duke përfshirë Shtetet e Bashkuara, Kina, Irani, Tajlanda, Sri Lanka, Japonia, Australia, Norvegjia, Franca, Rusia, Austria, Vietnami, Kazakistani dhe Uzbekistani.

149 persona të tjerë u plagosën, 33 në gjendje të rëndë, mes të cilëve 15 shtetas të huaj.

Gjashtë studentë që ndoqën shkollat në Seul – një gjimnazist dhe pesë gjimnaziste – ishin në mesin e të vdekurve, si dhe tre mësues, tha Ministria Koreane e Arsimit.

Tre personel ushtarak të Koresë së Jugut ishin gjithashtu në mesin e të vrarëve, tha një zyrtar i Ministrisë Koreane të Mbrojtjes.