Një shpërthim tritoli ka tronditur Lushnjën mbrëmjen e së martës. Nga informacionet paraprake shpërthimi me tritol ka ndodhur në një banesë në lagjen  “18 Tetori”.

Mësohet se tritoli ka shpërthyer në banesën e Altin Lamçe, tregtar në tregun e fruta-perimeve.

Banesa është në pronësi të shtetasit Arben Turku, i cili ndodhet në emigrim por aktualisht në banesë jeton tregtari Altin Lamce.

Tritoli dyshohet se është hedhur nga autorët në ecje, nga rruga drejt oborrit të shtëpisë.

Si pasoje e shpërthimit janë thyer xhamat dhe dyert e banesës.

Nga ngjarja nuk ka persona të lënduar, por vetëm dëme materiale. Në vendngjarje ka shkuar policia. Ende nuk ka një njoftim zyrtar nga policia pèr ngjarjen.