Boksieri malazez Goran Gogiç, i arrestuar në Amerikë për kontrabandë droge nga Kolumbia në Evropë, dyshohet se ka qenë roje e sigurisë së vëllezërve të famshëm, po ashtu boksierë, Vladimir dhe Vitali Klitschko.
Hetimet kanë shkuar në përfundimin se 43-vjeçari me shumë gjasa ka punuar për klanin Kavaçki dhe liderin e arratisur Radoj Zvicer.
Pjesë e këtij klani, i cili siç dyshohet e siguronte kokainën direkt nga prodhuesit në Kolumbi, ishin edhe shtetas serbë.
Prangosja e boksierit konfirmoi faktin se kriminelët nga Ballkani janë kthyer në ndër hallkat kryesore në zinxhirin e kontrabandës së sasive të mëdha të kokainës nga Amerika e Jugut në Evropë.
Ai rrezikon të denohet me 10 vite heqje lirie deri në burg përjetshëm. Gogiç beson në pafajësi dhe se kishte shkuar në SHBA për një konventë boksi. Boksieri u arrestua në përpjekje për të fluturuar drejt Zyrihut.
Aktakuza
Në aktakuzë thuhet se anëtarët e grupit kriminal të Ballkanit transportonin kokainë në Evropë nga Kolumbia, përmes porteve amerikane, duke përdorur vinça dhe rrjeta, falë të cilave e ngarkonin në anije mallrash drogën, e cila dërgohej me skafe përgjatë rrugëve të transportit. Dokumentet thonë se roli i Gogic ishte të mbikëqyrte dërgesat dhe të koordinohej me anëtarët e grupit, kontrabandistët kolumbianë dhe portet evropiane për të çuar kokainën në destinacionin e saj përfundimtar, shkruan Kurir.rs.
Karriera
Ai ishte një boksioer premtues, i angazhuar në mënyrë aktive në këtë sport nga viti 2001 deri në vitin 2012. Sipas mediave malazeze, ai fitoi 21 ndeshje dhe humbi 4, ndërsa 2 përfunduan në barazim. Burimet tregojnë se ai i dha fund karrierës në vitin 2012 dhe më pas nuk u pa në publik. Pikërisht në këtë moment besohet se është fokusuar dhe dedikuar tek biznesi i drogës.
Gjatë operacionit të zhvilluar në 2018, DEA kishte zbuluar drogës fshihej Radoje Zvicer. Siç deklaruan atëherë, në dokumentet gjyqësore nga Filadelfia, emri i tij përmendej edhe në deklarattën e një prej anëtarëve të ekuipazhit malazez që e pranoi krimin, ndërsa Gogiç ende nuk ishte zbuluar.
“Gogiç e filloi karrierën e tij në boks pikërisht falë vëllezërve të famshëm, sepse ai punonte si sigurim i tyre. Kampionët e famshëm ukrainas të boksit, vëllezërit Vitaliy dhe Vladimir Klitschko, e njohën potencialin e tij, filluan të shtynon drejt boksit profesional,”-tha një person që e njihte nga afër. Por duket se pas “pensionimit” 43-vjeçari gjeti një mënyrë tjetër për të bërë para.
