Në orët e para të mëngjesit është djegur makina e biznesmenit nga Lezha Ndue Pjetrushi. Policia ka reaguar në lidhje me ngjarjen, ndërsa thotë se mjeti tip “Benz” ka qenë i parkuar në anë të rrugës dhe për pasojë është djegur plotësisht. Grupi hetimor ka nisur punën për identifikimin dhe më pas kapjen e personit/ave, që mund të kenë gisht në këtë akt.
Njoftimi i Policisë:
Rreth orës 04:00, në Ishull Shëngjin, është konstatuar duke u djegur mjeti tip “Benz”, në pronësi të shtetasit N. P. 66 vjeç, banues në Lezhë.
Mjeti ka qenë i parkuar në anë rruge dhe për pasojë është djegur plotësisht. Grupi hetimor vazhdon veprimet hetimore për zbardhjen e plotë të rrethanave të ngjarjes si dhe përcaktimin e shkakut te djegies.
