Një kamion është përmbysur në mes të rrugës në aksin nacional Memaliaj-Krahës.
Policia njofton se kamioni që drejtohej nga shtetasi I. M., banues në Serbi nuk ishte I ngarkuar.
Si pasojë rruga në këtë aks është e bllokuar.
“Rreth orës 12:20, në aksin nacional Memaliaj-Krahës, në afërsi të fshatit Iliras, është përmbysur dhe për pasojë ka bllokuar rrugën, automjeti kamion (pa ngarkesë), që drejtohej nga shtetasi I. M., banues në Serbi. Nuk ka dëme në njerëz. Shërbimet e Policisë Rrugore ndodhen në vendngjarje dhe po menaxhojnë lëvizjen e automjeteve, me qëllim që të vijojë normalisht qarkullimi i tyre”, njofton policia.
Grupi hetimor po punon për zbardhjen e shkaqeve të aksidentit.
