Kryetari i PD, Sali Berisha tha se do të ketë protesta masive edhe për Portin e Durrësit, ndërsa tha se nuk do të lejojë që kjo pronë t’u grabitet qytetarëve.

“Pyetja e juaj është e drejtë dhe ajo do të ndodh dhe ajo do të jetë e fuqishme. Durrësin nuk do mund ta dorëzojmë kurrë. Porti i Durrësit ka qenë krenari kombëtare, ka qenë porta, nga e cila Shqipëria është lidhur me perëndimin dhe anasjelltas, ata që synojnë të shndërrojnë në pronë personale nuk do ta arrijnë kurrë projektin e tyre ogurzi”, tha Berisha.