Kryetarja e Kuvendit të Shqipërisë Lindita Nikolla ka mbajtur fjalën hyrëse të seancës së sotme historike.
Nikolla tha nga foltorja se dita e sotme është e paharrueshme dhe se dy shtetet tona janë një komb e një qëndrim.
“Dikur edhe në ëndërr nuk na shfaqej ky moment nga pengesat, teksa ecën në stinë e mote shqiptarët e gjetën rrugën e tyre. Sfida për të mbetur shqiptar në Ballkanin e kombeve të trazuara e luftërave të përgjakshme ishte e madhe. Shqipëria e Kosova sot janë shtete të pavarura e demokratike, me aleate SHBA-në dhe shtetet e BE-së.
Në dekada ne shqiptarët kemi qenë të ndarë me mur por në gëzimet dhe hidhërimet tona kemi qenë me njëri tjetrin, jemi një komb dhe një qëndrim”-tha Nikolla.
