Kryeministri i Shqipërisë Edi Rama e ka nisur ditën e sotme me një takim me qytetaren më të re të Shqipërisë, këngëtaren me famë botërore Dua Lipa. Kreu i qeverisë e ka pritur Dua-n në Kryeministri, këngëtarja shihet të mbajë në duar pasaportën shqiptare, të cilën e mori ditën e djeshme nga presidenti Bajram Begaj.

Rama ka ndarë në rrjetet sociale disa foto përkrah Duas, e cila shihet e buzëqeshur dhe shumë elegante me një fustan të zi.

“Mirëmëngjesi dhe me qytetaren më të re të Shqipërisë, ju uroj të gjithëve gëzuar përvjetorin e 110 të Flamurit të Pavarësisë, në këtë ditë të bekuar të kombit tonë që do të mbyllet me Duan në Sheshin Skënderbej”, ka shkruar Rama në postimi.