Pasi ka hedhur votën në kutinë e votimit, kandidati Ilir Alimehmeti ka folur për mediat, ndërsa ka ftuar demokratët të marrin pjesë në votim. Ai tha se gara për Tiranën ka shkuar mirë dhe nuk janë shënuar raste incidentesh.
“Në listë jam kandidati i gjashtë, të gjithë listat janë bërë të mundura me email. I kanë shkuar të gjithë kandeidatëve në formë zyrtare në afatet e përcaktuar. Të gjitha janë të dhëna. Jo të gjithë simpatizantët mund të vijnë për të votuar por numri është i madh. Ne e kemi të qartë listën e votuesve nga fillimi në fund, shifrat mund t’i merrni te komisioni. Fushata ka qenë pozitive, s’ka pasur incidente. Situata të vogla që zgjidhen në mënyrë të thjeshtë. Të gjitha janë zgjedhur sipas modaliteteve dhe afateve”, tha Alimehmeti.
Në Partinë Demokratike për Tiranën kandidojnë shtatë kandidatë, ndërsa doktori Ilir Alihmeheti renditet i gjashti në fletën e votimit.
