Ish-Presidenti kroat, Stipe Mesiç ndodhet sot në Tiranë, ndërsa është pritur në takim nga kryetari i Partisë Demokratike Sali Berisha.
Ky i fundit, dy ditë pas sulmit në protestën e opozitës, priti në zyrën e tij ish-presidentin kroat, ku e informoi për zhvillimet e fundit në vend, që nga shembja e paligjshme e Prestige Resort dhe agresioni ndaj tij.
Ish-kryeministri shihet se mban syze dielli, pasi në fytyrën e tij ka ende shenja nga grushti i Gert Shehut, i cili e goditi teksa Berisha po marshonte së bashku me protestuesit në bulevard.
Kreu i PD ka deklaruara para ish Presidentit kroat, se personi që ishte zgjedhur për ta sulmuar është një informator i policisë kriminale.
Berisha u ndal tek shembja e “Prestige Resort”, per te cilin tha se u shemb me 70 kg tritol në prag të Samitit të BE.
“Ai i vendosi 70 kg tritol një hoteli shumë të bukur, vetëm e vetëm për ta poshtëruar atë në prag të Samitit. Mendonte se zhurma e samitit do ta shuante atë. Personi i zgjedhur që do më godiste është informator i policisë kriminale, me të cilin është marrë një nga figurat më të zeza të historisë së shtetit shqiptar”, u shpreh Berisha.
