Xhensila Myrtezaj dhe Bes Kallaku kanë reaguar pas lajmeve që kanë qarkulluar ditët e fundit në disa media sociale.

Disa ditë më parë, u raportua se çifti po kalon një krizë dhe se Xhensila ishte larguar nga shtëpia bashkë me vajzën. Për më tepër, u tha se aktori ishte në gjendje të rënduar emocionale dhe ishte parë në TV Klan i përlotur.

Duke hedhur poshtë gjithë këto zëra, Besi u shfaq mbrëmjen e djeshme në një nga koncertet e Xhensilës në Prizren. Këngëtarja teksa këndoi këngën “Çelësi i zemrës” i dhuroi atij një puthje pasionante duke i thënë se e donte me gjithë shpirt.

Pas kësaj ka ardhur edhe një reagim në mediat sociale nga Besi. Teksa ka bërë “repost” videon ai shkruan: “Çdo gjashtë muaj një lajm ndërron jetë në skenë aktori i njohur. Çdo katër muaj një lajm tjetër ndërron jetë Ija e Bes Kallakut, çdo 1 muaj Xhensila shtatzënë. Tani edhe këto të fundit. Më keni ça… Shqiptarët të rrinë të qetë”.