Ka dalë këtë të enjte përpara gjykatës së Vlorës, Emiljano Likaj, ” skafisti” i arrestuar si i dyshuar për tentativën e trafikimit të 55 klandestinëve nga Lindja e Mesme dhe Afrika e Veriut. Prokuroria e përfaqësuar nga Hyrjet Lamaj, kërkoi ndaj të akuzuarve arrest me burg.

ashtu sipas prokurorisë, në trupin e Likajt (këmbë) janë konstatuar shënja djegie njësoj si ato të konstatuara në trupin e Klandestinëve.

Për këtë argument mbrojtja e përfaqësuar nga Edmond Dëma, i tha trupës gjykues se klienti tij vuante nga një sëmundje që i shkaktonte këto shënja qysh më vegjëli.

Mbi këto akuza, gjyqtarja Herila Çela vendosi të ligjshëm ndalimin e këtij shtetasi , si dhe caktoi masën e sigurisë arrest me burg për akuzën e ” ndihmës për kalimin e paligjshëm të kufijve”.