Zhaklina Gjolla, gazetare dhe moderatore, e cila është pjesë e Big Brother Vip Albania, është larguar nga shtëpia, si pasojë e gjendjes së rënduar psikologjike.

Zhaklina ishte një nga banoret që mori vëmendjen e publikut që në javën e parë, pasi u përzgjodh si e preferuar, përmes një televotimi.

Brenda shtëpisë Zhaklina duket se ka një konflikt të hershëm me aktoren Olta Gixhari, pasi ironitë dhe ngacmimet mes tyre ishin të vazhdueshme.

Gjatë një bisede me banorët e tjerë Olta është shprehur:

“Do ta shkatërroj Zhaklinën, mbajeni mend, Do ta shkatërroj, më vjen keq se ka ardhur të bëhet e famshme këtu, por do rri shumë shkurt e shkreta, nuk i ka bërë llogaritë mirë. Është njeriu më pa rëndësi në shtëpi, rri vetëm, asnjë nuk i afrohet. Duhet ta shikojmë që ka një gotë caji personale. Nëse do kisha pirë unë me atë gotë do shikonit spektakël nga ana ime.”

Zhaklina, në keto ditë qëndrimi në shtëpi, është parë disa herë e përlotur dhe në gjendje jo të mirë emocionale.

Së fundmi produksioni njoftoi largimin e saj.

“Pas një gjendje të rënduar psikologjike dhe pas konsultës me psikologun, Zhaklina ka kërkuar të lërë menjëherë shtëpinë.”-ishte ky komunikimi me të cilin “Big Brother Vip” lajmëroi ikjen e moderatores Zhaklina Gjolla nga shtëpia.