Kryeministri i Shqipërisë, Edi Rama, ka mbyllur mbledhjen dhe diskutimet me ministrat e qeverisë, diskutim ky, i cili zgjati më shumë se 16 orë.

Sipas Ramës, në këtë mbledhje maratonë janë kaluar në “sitë” të gjithë sektorët për vitin që lamë pas, ndërkohë shton se fokusi kryesor për 2023 do jetë tek njerëzit në nevojë.

“Maratona e diskutimit të fillimvitit në qeveri sapo mbaroi pas 16 orë e 25 minutash, ku kaluam në skaner çdo sektor për vitin që sapo iku dhe debatuam e miratuam objektivat konkretë të këtij Viti të Ri, i cili do të jetë një vit më pranë njerëzve, duke u nisur gjithnjë nga ata më në nevojë”, shkruan Rama teksa ndan një video nga tryeza e diskutimit me ministrat e kabinetit.