Dega e Partisë Demokratike në Durrës mbush sot 32 vite nga themelimi i saj. Në kuadër të kësaj dite, ku në ceremoni merr pjesë dhe kryetari i PD-së, Sali Berisha, nuk munguan mesazhet e themeluesve të kësaj dege.
Artan Hoxha, si ndër themeluesit e PD-së në qytetin bregdetar pohoi se sot kjo parti është më e bashkuar, ndërsa shprehu optimizëm për kandidaturën e Igli Carës për të garuar për bashkinë e Durrësit.
“Pas 1 viti mblidhemi për të kujtuar themelimin e degës së Durrësit, por konstatoj se jemi më të bashkuar dhe të vendosur se para 1 viti. Drejt një beteje të shpejt për bashkitë në të gjithë Republikën dhe në të gjithë bashkinë e Durrësit. Me kandidatin Igli Cara do shkojmë me bindje dhe besim në fitore. Përmes këtij procesi dega e PD Durrës, dhe degët e tjera të PD do rivitalizohen dhe do fitojnë dimensionin lokal të një organizate që mbështet te zgjedhjet.”, tha Hoxha.
