Lufta në Ukrainë ka arritur ditën e 333-të. Presidenti ukrainas Volodymyr Zelensky thotë se pavendosmëria po vret shumë njerëz duke iu referuar mungesës së dritës jeshile të Berlinit për dërgimin e tankeve Leopard në Kiev. Ndërkohë kanë mbërritur helikopterët ‘Sea King’ të dhuruar nga Britania. Kështu bëri me dije ministri i Mbrojtjes Oleksi Reznikov pa dhënë detaje për shifrën e helikopterëve.

“Ky është një përforcim i madh për Marinën e Ukrainës. Bashkëpunimi ynë do të vazhdojë të rritet”, shkroi Reznikov në Tëitter, duke falënderuar homologun e tij britanik Ben Ëallace. Në nëntor, Londra njoftoi se po planifikonte të dërgonte tre helikopterë ‘Sea King’ në Ukrainë.
Nga ana tjetër, Koreja po furnizon me armë Rusinë, forcat e së cilës vijojnë sulmet në Korenë e Veriut.

Brenda ‘Game of thrones’ për pasuesin e Vladimir Putinit në Rusi

Sa i përket tankeve Leopard, ndonëse ende nuk ka një vendim, Ukraina ka rënë dakord të trajnojë forcat e saj ushtarake mbi tanket gjermane Leopard. Kështu deklaroi ministri ukrainas i Mbrojtjes, Oleksiy Reznikov, në një intervistë për Zërin e Amerikës, i cili tha se shpreson që Gjermania t’i hapë rrugë furnizimit të Ukrainës me këto tanke.
Gjermania nuk ka vendosur ende nëse do t’i dërgojë tanket në Ukrainë, apo do të lejojë vendet e tjera të dhurojnë të tyret, pavarësisht presionit ndaj Berlinit për të vepruar. Takimi në bazën ajrore Ramstein në Gjermani solli një marrëveshje për furnizimin më shumë automjeteve të blinduara, sistemeve të mbrojtjes ajrore dhe municioneve.