Kreu i PD Sali Berisha në një dalje për mediat u ndal te situata e motit në vendin tonë. Berisha tha se fatkeqësi për shqiptarët nuk është moti por Rama dhe ministrat e tij.

Sipas Berishës, qeveria sillet sot si një organizatë e papërgjegjshme dhe e ka lënë Shqipërinë një vend të braktisur nga jugu ne veri.

Berisha: Qeveria sillet sot si një organizatë e papërgjegjshme dhe e ka lënë Shqipërinë një vend të braktisur nga jugu ne veri. Rrugë të bllokuara, jetë të humbura për shkak të infrastrukturës mesjetare, shembje masive për shkak të vjedhjeve të fondeve në skarpate, rrënime të investimeve të bëra dhe dy vjet më parë. Shqipëria nuk pati një mot të madh dhe nuk ishte moti i madh fatkeqësia e saj.Fatkeqësia e Shqipërisë në këtë mot ishte Edi Rama dhe ministrat e tij hajdut.

U zhduken përvec facebook-ut të Ramës, nuk ka funksionuar asgjë. Katastrofë ishin përmbytjet në Lezhë dhe pasi ikën ujërat u bë i gjallë ai Pjerini.

Në Rehovë një zonjë, grua, nënë humbi jetën për shkak të urës së rrënuar. Për këtë qeveri shqiptarët nuk ekzistojnë ose vetëm për të vjedhur taksat e tyre.