Kreu i Partisë Demokratike, Sali Berisha, ka hedhur akuza të forta ndaj ambasadores amerikane Yuri Kim sa i takon çështjes së McGonigal.
Sipas Berishës, pas heshtjes së kryeministrit Edi Rama lidhur me këtë aferë qëndron, ambasadorja Kim.
Për këtë të fundit ai ka kërkuar gjithashtu nga FBI që të hetohen edhe takimet e McGonigal me ambasadoren amerikane Yuri Kim.
Berisha: Kodi i Heshtjes po respektohet me fanatizëm nga guvernatorja që nuk ka lënë gjë pa komentuar. Nuk shqipëron një fjalë të vetme, nuk ka një shprehje të vetme, si ka mundësi kjo? çfarë interesash përfaqëson guvernatorja? A ka shqiptar që nuk pret një reagim të saj? Ju them unë, komentet për këtë ngjarje janë përvëluese për ata që janë të implikuar. Në llojin e saj, guvernatorja është një McGonigal. Ndaj saj janë lëshuar akuza të çdo lloji, nëse McGonigal nisi me manipulimet për dosjet ruse, ajo vazhdoi veprën e tij të zezë me shpifje dhe trillime, me sulme aprincipiale. Nuk ka parime nuk njeh vlera. Duke rendur nga zyra në zyrë e nga studioja në studio për të shkatërruar opozitën dhe për ti caktuar asaj kryetarin. Por nuk e mendoj unë që është kjo që e ka bërë të heshtë. Arsyet janë të tjera. I bëj thirrje FBI dhe agjencive amerikane të hetojnë qëllimet ndaj McGonigal. A ka informuar ajo vendin e saj për takimet me të? Për veprimtarinë e tij dhe vizitat e shpeshta në Shqipëri? A ka informuar ajo për Derispaskën dhe kompanitë e tij në Shqipëri?
