Më shumë se 8,700 njerëz kanë vdekur pas një tërmeti me magnitudë 7.8 dhe qindra pasgoditje në Turqi dhe Siri.

Numri i të vdekurve u rrit me më shumë se 900 që kur shifrat u raportuan për herë të fundit në orën 1:40 të mëngjesit.

Autoriteti i menaxhimit të fatkeqësive në Turqi tha se kishte pasur 6,234 vdekje në vend dhe 37,000 njerëz të plagosur.

Presidenti i Turqisë, Recep Tayyip Erdogan, ka shpallur gjendje të jashtëzakonshme për tre muaj.

Gjendja e jashtëzakonshme do të jetë në dhjetë qytetet e prekura nga tërmetet: Gaziantep, Kahramanmarash, Hatai, Osmanije, Adijamana, Malatia, Shanlëurfa, Adana, Dijarbakër dhe Kilis.

Shpallja e gjendjes së jashtëzakonshme vjen në kohën kur në Turqi dhe Siri po vazhdojnë përpjekjet për të shpëtuar personat që besohet se kanë mbetur nën rrënojat e mijëra ndërtesave të shkatërruara nga tërmetet e fuqishme që goditën këto dy shtete.