Tan Brahimi ka lënë shtëpinë e Big Brother Vip prime-in e djeshëm, me dëshirën e tij.
Tani u shpreh se nuk ndihet mirë dhe se nuk ka qetësi shpirtërore. Ai u shpreh se nuk i përshtatet lojës dhe dëshiron të largohet.
“Dua të dal sepse nuk ndihem rehat. Më duket sikur po rri kot. Po pres të më nominojnë, por nuk po më nominojnë. Kur shoh dy njerëz në probleme dua t’i pajtoj, por këtu nëse i pajton u prish lojën. Nuk mund të përshtatem. Nëse i kam pëlqyer publikut shumë faleminderit, por nuk kam qetësi shpirtërore. Nuk mund të rri që mos të zhgënjej njerëzit”- tha ai.
Tani u bë pjesë e BBVA pak javë më parë duke spikatur me humorin, teksa i emocionoi të gjithë me historinë e tij. Tani po ashtu mori një ofertë pune për tu bërë pjesë e “Portokalli”.
