Mbrëmjen e kaluar në fshatin Bardhaj në Shkodër gjatë një shkëmbimi zjarri u plagosën vëllezërit Marjan Doçi, 23 vjeç, dhe Hoten Doçi, 30 vjeç. Efektivët kanë vënë në pranga dy vëllezërit.Arrestimi i tyre është bërë në kushtet spitalore, teksa ndodhen në spitalin e Traumës në Tiranës, jashtë rrezikut për jetën.

Mbrëmë policia ka identifikuar autorin e dyshuar, shtetasin Besmir Perkola, i cili ka lënë të plagosur dy vëllezërit Doçi.Dy të rinjtë kanë deklaruar në polici se nuk kanë probleme me asnjeri dhe nuk e dinë arsyen se përse autori i dyshuar ka qëlluar ndaj tyre. “Ishim tek makina kur një person u afrua dhe qëlloi drejt nesh në mënyrë të papritur”,nuk e kemi idenë përse na ka qëlluar, sepse nuk kemi ndonjë konflikt “, janë shprehur vëllezërit Doçi për policinë, duke mos pranuar që të japin asnjë detaj shtesë lidhur me arsyen përse janë qëlluar.

Arsyet e kësaj plagosjeje që ka ndodhur ndodhur në Bardhaj të Shkodrës  janë ende të paqarta.Policia e Shkodrës vijon hetimet për zbardhjen e plotë të kësaj ngjarjeje, si dhe vijon puna për gjetjen dhe kapjen e autorit të dyshuar.