Më në fund pas 6 ndeshje radhazi ku nuk e provonin shijen e fitores, Vllaznia rikthehet aty ku të gjithë në Shkodër dëshirojnë ta shohin, në krye të klasifikimit. Ekipi i Brdaric e bën diçka të tillë në transfertë përballë Kastriotit , në shtesë në minutën e 92-të,

Ky ishte një trepikësh I cili pati nje ndikim të madh, jo vetëm sa i përket tabeles por edhe në aspektin psikologjik, një fitore që erdhi pas një periudhe ku u vendos gjithçka në dyshim, nga projekti i ri i donatorit dhe deri tek e ardhmja e trajnerit Brdaric.

Nga gjoba në premio, situata mori nje tjetër rrjedhë edhe në këtë aspekt ku pas fitores drejtuesit e klubit vendosën të shpërndajnë një shumë prej 10 milion lekësh të vjetra: “Ishte një fitore shumë rëndësishme. Jam i lumtur për fitoren ndaj një kundërshtari të fortë si Kastrioti. Duhej që skuadra të reagonte dhe ia dolëm”, u shpreh Brdaric.

Tani  tekniku gjerman dhe skuadra e tij kanë në dispozicion dy javë për tu përgatitur si duhet përballjen direkte kundër Partizanit me 3 prill.