Besimtarët bektashinj në Shqipëri e mbarë botën festojnë sot Sulltan Novruzin. Në një mesazh nga Kryegjyshata Botërore e Bektashinjve, Kryegjyshi Botëror i Bektashinjve, Haxhi Dede Edmond Brahimaj uron gjithë besimtarët bektashinj.

Në mesazhin e tij Baba Mondi shprehet se Sulltan Novruzi është një date unikale dhe do të mbetet e tillë. Ndër të tjera ai ka shtuar se kto ditë të vështira të pandemisë do të kalojnë dhe do të kemi mundesi të bashkohemi sërisht, megjithse kushtet e vështira nuk na ndalojnë të jemi pranë njëri-tjetrit shpirterisht.

“Të nderuar motra dhe vëllezër, vëllezër bektashian kudo jeni në botë, paçi fat e lumturi. Sulltan Novruzi ka qenë dhe mbetet një datë unikale. T’i afrohemi mirësive dhe begative, duke bashkuar fatet tona njerëzore për fatin e kombit. Dita e sotme do të mbetet e shënuar në historinë botërore. Selia jonë e Shenjtë ju ka bërë ballë dallgëve të kohës. Kemi lënë pas krahëve një histori rrëqethëse. Me gjithë dëshirën tonë, sot nuk mund të bashkohemi, për shkak se pandemia na ka kufizuar çdo ditë e më shumë. Por kjo situatë nuk na ka penguar të jemi shpirtërisht pranë njëri-tjetrit. Do i kalojmë këto ditë të vështirë për t’u bashkuar. Zoti na bekoftë të gjithëve. Amin!”