Ditën e sotme presidenti i vendit Ilir Meta në një ceremoni soleme ka vlerësuar me dekoratën e lartë “Nderi i Kombit” Këshillin Ndërfetar të Shqipërisë. Në ceremoninë e zhvilluar kanë marrë pjesë krerët e komuniteteve fetare në vend.
Meta e ka cilësuar komunikimin ndërfetar si një vlerë e shtuar e shqiptarëve dhe një faktor i rëndësishëm në integrimin e BE-së. Dekoratën në emër të këtij Këshilli e mori , Kryepeshkopi Anastas Janullatos.
“Dekorata është unikale sepse e tillë është dhe tradita e mirëkuptimit, e sakrificës dhe rënia juaj dhe e jona e përbashkët. Pas ringritjes së besimit fetar krijimi i Këshillit ndërfetar ishte një nga aktet më të shquara për forcimin e paqes shoqërore dhe harmonisë në vendin tonë. Ndaj ne sot perkulemi ndaj themeluesve të këtij këshilli, të kater krereve të komuniteteve tradicionale fetare në Shqipëri”.
“Ju jeni një faktor i rëndësishëm për integrimin në BE duke treguar se shqiptarët kanë vlera. Do të na duhet ende dhe shumë punë për arritjen e demokracisë doja të theksoja rëndësinë e kthimit të pronave të të gjithë komuniteteve fetare. Morali dhe themele tuja qëndrojnë në themel të vlerave të demokracisë”, ka thënë Meta.
