Një aksident i rëndë është regjistruar në orët e para të mëngjesit në autostradën Fushë Krujë-Milot.

Mësohet se një automjet është përplasur me mbrojtëset metalike të rrugës. Për pasojë ka humbur jetë Luan Lukaj 50 vjeç i cili ka qenë pasagjer në automjet.

Dyshohet se shkak i aksidenti ka qenë shpejtësia tej normave të lejuara. Policia ka shkuar në vendin e ngjarje dhe po punon për zbardhjen e rrethanave të aksidentit.

Njoftimi i policise:

Në orët e para të mëngjesit, në autostradën Fushë Krujë-Thumanë, një automjet me drejtues shtetasin J. K., 34 vjeç, ka humbur kontrollin mbi drejtimin e automjetit dhe për pasojë automjeti është përplasur me trafikndarësen.

Nga përplasja e automjetit me trafikndarësen ka humbur jetën pasagjeri, shtetasi L. D, rreth 50 vjeç.

Grupi hetimor vijon punën për sqarimin e rrethanave të aksidentit.