Kërkesa e opozitës për të zhvilluar në Kuvend një mocion me debat ka shkaktuar debate mes mazhorancës dhe deputetit të PD Luçiano Boçi.

Nga ana e saj mazhoranca tha se nuk ka një kërkesë për mocion me debat, por një kërkesë për ndryshimin e rendit të ditës.

“Kërkesa ka titullin për ndryshim të rendit të ditës. Më parë sillni kërkesën për mocion me debat”, tha Kryeparlamentarja Lindita Nikolla.

“Nuk jemi para një kërkese për mocion me debat. Nëse doni mocion me debat për gjetjet e DASH ne jemi të gatshëm brenda tre ditëve kryetarja e Kuvendit do thërrasë konferencën e kryetarëve. Të përcaktojmë kohën se dhe ne kemi shumë kohë që presim të flasim për shumë gjetje të DASH. Ky Kuvend që nga 19 maji 2021, duhet të ishte mbledhur për të diskutuar për vendimin e DASH për Sekretarin Blinken për shpalljen non gratra të një prej anëtarëve të Kuvendit, e këto janë cështje që duhen diskutuar”, tha Taulant Balla.

Nga ana tjetër, në përgjigje të Ballës, deputeti Luciano Boçi tha:

“Për spekulimin tuaj për kërkesën tonë për mocion me debat, është depozituar dhe mos spekuloni. Gjetjet e raportit ti lexoj këtu, ndaj duhet të ishim në alarm, “presioni politik frikësimi korrupsioni e burimet e kufizuara e pengojnë gjyqësorin të funksionnte në mënyrë të pavarur, është ndezur alarmi i kuq për gjyqësorin. Do tjetër? Qeveria bizneset e grupet kriminale u përpoqën të ndikonin në media në mënyrë të papërshtatshme.

Janë të pakta mediat e pavarura pasi shuimica në pronësi të biznesmenëve me peshë që kanë intreres të mëdha, përfshrirë dhe nxitjen e interesave që kanë me partitë politike”. tha Boçi.