Vaksinimi i mësuesve dhe pedagogëve vijon intensivisht në të gjithë vendin. Ministrja e Shëndetësisë, Ogerta Manastirliu së bashku me kryeministrin Edi Rama kanë ndjekur nga afër procesin e vaksinimit të mësuesve dhe petagogëve në Tiranë.

Ogerta Manastirliu ka berë me dije se deri tani, janë vaksinuar 200 pedagogë të Universitetit të Tiranës dhe mbi 12 mijë arsimtarë.

“Sot vaksinohen këtu në Universitetin e Tiranës 200 pedagogë. Në tërësi janë vaksinuar mbi 12 mijë arsimtarë ose 30% e mësuesve e kanë marrë dozën e parë të vaksinës AstraZeneca. Kemi arritur në një mbi 48 mijë vaksinime, ndërkohë që procesi po vijon”

Ndërkohë ministrja Manastirliu shtoi se me dozat e ardhura dje do të vijojë vaksinimi i të moshuarve, duke ndjekur kqshtu planin e vaksinimit.

“Doza që mbërritën dje do të vijojnë vaksinimin e të moshuarve që të zgjerojmë sa më shumë fashën në grupmosha duke ndjekur planin e vaksinimit. Kemi 90 mijë doza vaksinash në totale, ndërkohë që presim doza të tjera Pfizer në ditët e para të prillit, për të vijuar më pas vaksinimin masiv. Gjithashtu presim nga Covax edhe një sasi tjetër të Astra Zenecës, e cila deri tani kemi një të dhënë deri në 60 mijë deri në 80 mijë por jemi duke pritur për një informacion”.

Ndërsa kreu i qeverisë Edi Rama ka shtuar në postimin e bërë në rrjetet sociale se ditën e sotme arrijnë shifrën 50 mijë të vaksinuar dhe në ditët në vijim do të rritet vijimësisht numri i vaksinimeve, falë edhe dozave plus që janë siguruar e do të sigurohen në vazhdim.