Goditet një grup që ushtronte veprimtari kriminale në fushën e shpërndarjes së drogave të forta, kryesisht kokainë.Tre anëtarët e grupi kriminal të shpërndarjes së kokainës në Elbasan kanë rënë në prangat e policisë pas 5 muajsh hetime.

Gjatë operacionit i koduar si “Bulevardi” , nga DVP Elbasan dhe FNSH, në bashkëpunim me Prokurorinë e Rrethit Gjyqësor Elbasan,  u vunë në pranga shtetasit Gëzim Mama, 34 vjeç, Hekuran Halili , 44 vjeç dhe Simon Stefa, 54 vjeç, të tre banues në Elbasan.

Gjatë kontrollit janë sekuestruar 2 armë zjarri, municion luftarak, lëndë narkotike kokainë dhe 4 aparate celular.

Nga hetimet e kryera është dokumentuar me prova ligjore veprimtaria kriminale e këtyre shtetasve, të cilët merreshin me shpërndarjen e kokainës në qytetin e Elbasanit.

Materialet procedurale i kaluan për ndjekje të mëtejshme Prokurorisë pranë Gjykatës së Shkallës së Parë Elbasan, për veprat penale ‘Prodhimi dhe shitja e narkotikeve”, kryer në bashkëpunim dhe në ngarkim të shtetasit S. S., edhe për veprën penale “Armëmbajtja pa leje”