Për herë të parë në Shqipëri do të zbatohet verifikimi elektronik i votuesve në zgjedhjet elektorale të 25 Prillit 2021.

Me një postim në Twitter, Komisioneri Shtetëror i Zgjedhjeve, Ilirjan Celibashi, ka publikuar një video, ku tregon shembullin e një votuesi se si do të bëhet verifikimi elektronik. Kreu i KQZ paralajmëron votuesit që të tregohen të kujdesshëm se pajisja verifikon dhe pengon votimin e dyfishtë.

“Verifikimi elektronik i votuesve do të zbatohet për herë të parë në Shqipëri në zgjedhjet elektorale të 25 prillit 2021. Kujdes! Pajisja verifikon dhe pengon votimin e dyfishtë. Ndiqni videon!”, shkruan Celibashi.