Në një deklaratë para selisë blu, pas takimit me Berishën, Meta tha se rezultati në Shkodër do të jetë 5-0, duke shtuar se fitore synojnë dhe në bashkitë e tjera.

“Nuk ka mundësi tjetër Shkodra, 5-0 do dalë. Në qarqet e tjera opozita synon fitore në të gjitha bashkitë. Ne jemi në shërbim të kandidatëve. Kandidatët janë zgjedhur përmes procesit më historik, më legjitim dhe historik. Ndaj janë kandidatë superior. Edhe përfaqësuesit tanë në Këshillat Bashkiakë, bëjnë diferencë të jashtëzakonshme si dita me natën. Kemi përfaqësues, personalitete të shumë fushave. Kjo është garanci e madhe se koalicioni ynë është i gjerë.”, pohoi Meta.

Duke komentuar deklaratat e ambasadores Yuri Kim për kandidatët, Meta shtoi; “Kandidatët e zgjedhur nga opozita përmes procesit më legjitim dhe më demokratik që ka njohur historia jonë e re, janë kandidatët që përfaqësojnë vlera më të mira të qytetarisë që kanë vizionin më të qartë për mbrojtjen e trashëgimisë kulturore.”.