Policia e Durrësit ka sekuestruar 8 armë zjarri ‘pistoletë’ në portin e Durrësit të cilat po transportoheshin nga një furgon me targa angleze. Furgoni është ndaluar nga policia në vijën e dytë të kontrollit të terminalit të trageteve ku më pas do të imbarkohej në tragetin e linjës Durrës-Ankona.

Ndërkohë për rastin, është shoqëruar në komisariatin e policisë së Durrësit, Jetmir Koloshi, drejtuesi i automjetit që po merret në pyetje mbi armët e gjetura brenda furgonit dhe destinacionin e tyre.