Në hapësirën e sheshit “Skënderbej” nisen mbrëmjen e së shtunës përgatitjet për ngritjen e çadrave që do të shërbejnë si qendra vaksinimi, ku secila ka nga 10 pika vaksinimi për qytetarët.

Ka nisur sot në sheshin “Skënderbej” procesi i vaksinimit masiv me vaksinën kineze, duke filluar me të moshuarit mbi 70 vjeç, të cilët janë lajmëruar nga qendrat shëndetësore sipas rendit alfabetik.

Vaksinimi do të nis paralel me atë që vijon që prej 11 janarit në stadiumin “Air Albania” , ndërsa objektivi i Ministrisë së Shëndetësisë është që të arrijmë nga 10-15 mijë vaksinime në ditë.

Ministrja e Shëndetësisë, Ogerta Manastirliu  theksoi se qendra e vaksinimit masiv do të mundësojë kryerjen nga 800 deri në 1000 vaksinime në ditë.