Ky është automjeti tip Mercedes Benz që përdori Fatbardh Ismaili gjatë sulmit me armë zjarri ndaj ish-deputetit të Partisë Socialiste të Lezhës, Armando Prenga.Në këtë foto të makinës, e cila u gjet e braktisur disa kilometra larg vendngjarjes, në zonën e Fushë Kuqes, e braktisur nga 29-vjeçari. Ndaj ka edhe një dyshim të fortë se Ismaili në momentin e krimit të jetë ndihmuar dhe nga një person tjetër.

Ndërkohë që ende nuk është gjetur, edhe pse prej ditësh është në kërkim nga Policia e Shtetit.
Nga ekspertiza e kryer në vendngjarje, 5 herë ka rezultuar se ka qëlluar autori në drejtim të ish-deputeti, i cili po lëvizte me automjetin e tij. Plumbat e lëshuara në drejtim të makinës së Prengës, fatmirësisht nuk e kanë kapur dhe menjëherë pas ngjarjes ai ka telefonuar Policinë e Shtetit.

E gjitha ndodhi pas një sherri mes komisionerëve në Kurbin që solli atentatin ndaj ish-deputetit të Partisë Socialiste Armando Prenga. Një prej të dhunuarve ishte edhe Islam Ismajli, babai i të riut që qëlloi me armë në drejtim të mjetit të Prengës, ka pasur dhe një kallëzim në Polici. Ka qenë vetë Ismaili që u është drejtuar bluve në Kurbin dhe ka treguar se dy persona me kapele e kanë kërcënuar dhe i kanë kërkuar të mos merret me fushatë. Në kallëzimin e plotë tregon dhe në mënyrë kronologjike ngjarja. Islam Ismajli, i cili është edhe avokat është përplasur me Arben Prengën, vëllain e ish-deputetit Armando Prenga. Incidenti ka ndodhur gjatë numërimit të votave të zgjedhjeve lokale të 14 majit.