Kreu i PD Lulzim Basha ndodhet sot në Fier, ku është pritur me entuziazëm nga mbështetësit.Ata i kanë siguruar një pritje entuziaste duke i dalë përpara në rreth rrotullimin e Kolonjës. Me flamuj kuq e zi dhe të PD-së, mbështetësit e kanë pritur kreun e PD në rrugë.

Kreu i PD ka folur para tyre duke iu bërë thirrje në radhë të parë të mbajnë maskat dhe respektojnë distancën.

“Të mbajmë maskat, të mbajmë distancën, por ama ta çojmë edhe më larg frymën e shpresës. Bashkë do fitojmë, bashkë Shqipëria do fitojë, Fieri do fitojë”, tha Basha.

Basha gjithashtu u shpreh optimist për rezultatin e zgjedhjeve, ndërsa theksoi se PD ka marrë mbështetjen e të gjithëve.

“Një ditë pozitive bashkimi më 25 prilli. Do ju çlirojmë nga çdo stres dhe çdo problem i këtyre 8 viteve. Të gjithë bëhemi bashkë më 25, ta çlirojmë vendin nga e keqja dhe të sjellim pozitivitet”, tha Basha.