Kthjellimet do të jenë dominuese në vendin tonë gjatë paradites por mesdita dhe pasditja sjellin kalime vranësirash nëpër territor, ku më të shpeshta vranësirat do të jenë në gjysmën lindore të Shqipërisë. Parashikohet që këto kushte atmosferike të mbeten deri mëngjesin pasardhës.

Sipas Meteoalb, sot temperaturat do të pësojnë një rritje të lehtë, ku do të variojnë: në zonat malore, nga 03°C në 15°C, në zonat e ulëta nga 10ºC në 22°C dhe në zonat bregdetare nga 12°C në 23°C.

Era do të fryjë në drejtim Verilindor ndërsa forca e valëzimit në det do të jetë 3 ballë.