Maturantët po zhvillojnë ditën e sotme provimin për Gjuhën Shqipe dhe Letërsinë.

Provimi po zhvillohet në korridoret e shkollave apo në palestra dhe i gjithë testimi do monitorohet me kamera për të eliminuar kopjimet apo dhe përdorimin e telefonave gjatë testit.

Pak minuta më parë është publikuar edhe njëri nga variantet e tezës së provimit.

Kujtojmë se po e njëjta gjë ka ndodhur edhe në provimin e gjuhës së huaj, ku reagoi edhe Ministrja Kushi e cila u shpreh se publikimi i tezës nuk ka cënuar ecurinë e provimit.

“Detaj që nuk e cenon procesin. Është e parapërgatitur, bëhet për të vënë në dyshim procesin. Me sa duket ka njerëz që angazhohen për një gjë të tillë, është e njëjta dorë që i publikon”, tha Kushi.