Dy persona ende të paidentifikuar kanë kërcënuar rojën e një firme uji duke i marrë një sasi parash. Ngjarja ka ndodhur mbrëmjen e djeshme në fshatin Zhamë në Lushnje dhe sipas policisë dy personat janë shpallur në kërkim.
“Më datë 30.03.2021, rreth orës 22:00 në fshatin Zhamë Sektor, Njësia Administrative Dushk, dy persona ende të paidentifikuar duke kërcënuar rojen, kanë marrë një sasi parash të një firme uji. Grupi hetimor nën drejtimin e Prokurorisë po punon për zbardhjen e plotë të ngjarjes, identifikimin dhe kapjen e autorëve”, thuhet në njoftimin e policisë.
Shërbimet e Policisë vijojnë kontrollet për kapjen e autorëve.
