Në një operacion dy ditor të policisë franceze 17 persona mes të cilëve edhe shqiptarë, përfunduan në prangat e policisë në zonën e Ille-et-Vilaine dhe në Alpes-Maritimes.
Mediat vendase raportojnë se bëhet fjalë për 16 burra dhe një grua, të moshës nga 19 deri në 57 vjeç ndërsa identiteti i të arrestuarve nuk bëhet me dije nga policia.
Në krye të këtij rrjeti, ishte një shqiptar 45-vjeçar, i njohur për drejtësinë vendase. Sipas informacioneve ai ishte dënuar dy herë për trafikim lëndësh narkotike. Ai u prangos në Jug të Rennes. Gjatë kontrolleve u sekuestruan sasi të mëdha lëndësh narkotike, produkte për përgatitjen e dozave, para dhe katër pistoleta.
