Pas përfundimit të mandatit të saj si ambasadore amerikane në Tiranë, Yuri Kim ka marrë një nga pozicionet më të rëndësishëm në Departamentin e Shtetit. Nga burime diplomatike mësohet se Yuri Kim sapo është shpallur zyrtarisht si zëvendës ndihmës sekretarja kryesore për Çështjet Evropiane (dhe ushtruese e detyrës së ndihmës sekretarit derisa të konfirmohet Jim O’Brien), duke filluar nga 10 korriku.

Departamenti i Evropës është me i madhi dhe më i rëndësishmi në Departamentin e Shtetit. Jim O’Brien, detyrën e të cilit do të ushtrojë përkohësisht, është i ngarkuar me sanksionet ndaj individëve qe cenojnë politikat e sigurisë kombëtare amerikane kudo ne bote, siç është dhe rasti i Berishes ne Shqipëri.

Kujtojmë që Yuri Kim është në përfundim të mandatit si ambasadore në Tiranë dhe pritet të zëvendësohet nga David Kostelançik. Yuri Kim gjatë viteve të qëndrimit të saj në Shqipëri ka dhënë një kontribut të rëndësishëm për reformën në drejtësi dhe për këtë arsye është sulmuar ashpër nga dyshja Berisha-Meta dhe mediat pranë tyre, duke u akuzuar shpesh se qëndrimet e saj kanë qenë personale, jo të Uashingtonit zyrtar