Kreu i qeverisë shqiptare u shpreh se tensionet në veri po shkonte drejt një përplasje të grupeve të armatosura në Veri me Forcat e Sigurisë së Kosovës.

Më tej ai u shpreh se sikur konflikti të zgjaste edhe 3 orë më shumë, kryeministri Rama u shpreh se përplasja do të kishte qenë fatale.

“Po rritet me orë klima e tensionit duke rrezikuar një përplasje fatale të armatosur mes grupeve që operojnë në veriun e Kosovës dhe forcave të sigurisë që do të ishte një katastrofë në mes të së cilës do të përfshihej paevitueshmërisht KFOR. Përplasje e cila edhe sikur 3 orë të zgjaste do të rezultonte fatale edhe për të gjithë çka është bërë në këto vite përpjekje nisma ndërveprime në Ballkanin Perëndimor në ombrellën e procesit historik të veriut.  Shtete tona në këtë lagje të Europës kanë një moment krejt tjetër dhe një rrugë krejt tjetër nga kjo që adreson qorrsokaku i veriut. Nuk mund të vazhdojnë të presin me vite që ky proces dialogu të përfundojë që marrëdhëniet me Serbisë dhe Kosovës të normalizohen dhe njohja e ndërsjellë të ndodhë ‘de facto’.”, tha Rama. 

Më herët në konferencë ai përsëriti edhe njëherë apelin për Serbinë që të lirojë pa kushte 3 policët e Kosovës.

Sipas tij nuk mund të ketë normalitet në marrëdhëniet mes dy vendeve pa lirimin e tyre. Më tej Rama tha se i ka dërguar një letër të dytë presidentit të Francës Macron dhe kancelarit Gjerman Scholz për të nxitur zbatimin e planit franko-gjerman.