Ish kryebashkiaku i Kukësit, Safet Gjici është arrestuar ditën e sotme (24 qershor) me urdhër të SPAK. Safet Gjicit i janë vënë prangat në banesën e tij në Tiranë për akuzën e korrupsionit pasiv, ndërkohë për vajzën protagoniste të videos ku Safet Gjici kryen marrëdhënie intime brenda në zyrën e bashkisë së Kukësit, Alma K. i është ngritur akuza “korrupsion aktiv” dhe ndaj saj është dhënë masa e sigurisë arrest me burg.

Masa e arrestit është lëshuar nga GJKKO ditën e djeshme, (23 qershor) ndërsa është ekzekutuar ditën e sotme.
Ka pasur edhe urdhër arrest ndaj personave të tjerë të cilët dyshohet se kanë bashkëpunuar me Alma.K për të realizuar videon me qëllime shantazhi ndaj ish kryebashkiakut të Kukësit

Hetimi ndaj tij nisë në 16 qershor, menjëherë pasi në media u publikua një video ku Gjici shfaqej në zyrën e tij duke kryer marrëdhënie seksuale me një vajzë.

Fillimisht ndaj tij nisi hetimi për shpërdorim detyre ndërsa pas publikimit të pjesës së dytë të videos ku Alma.K shfaqej teksa i kërkonte Gjicit një tender për shoqatën e saj të qenve, SPAK ka nisur hetimet për korrupsion.