Voldomir Zelensky,foli së bashku me presidentin turk Rexhep Tajip Erdogan në një konferencë të përbashkët shtypi në Stamboll, tha se të dy udhëheqësit diskutuan “çështjet kryesore të punës në kontekstin e NATO-s, veçanërisht përgatitjen samitin e Vilniusit”.

Ukraina pritet të jetë në krye të axhendës së atij takimi javën e ardhshme.

“Unë ngrita çështjen e anëtarësimit të Ukrainës në aleancën e NATO-s dhe isha i lumtur kur dëgjova se Presidenti Erdogan mbështet Ukrainën që të jetë anëtare e NATO-s”, tha Zelensky.

“Ne bëmë disa marrëveshje.I kërkova Turqisë të bashkohet në përpjekjet për rindërtimin dhe transformimin e Ukrainës, është një projekt kolosal dhe ne kemi nevojë për përvojën dhe teknologjinë e Turqisë për të na ndihmuar.”