Orë ankthi për Wanda Narën, gjendja shëndetësore e së cilës mbetet ende misterioze, ndërkohë që mediat argjentinase po dërgojnë sinjale shqetësuese se ajo vuan nga leuçemia.

E ndërsa showgirl-i nuk është shfaqur në profilet e saj sociale që nga dita e shtrimit në spital, bashkëshorti i saj, Mauro Icardi është rikthyer në Instagram. Sulmuesi i Galatasaray postoi një seri fotosh që përshkruanin çiftin në mbrëmjen gala për Oscars TV argjentinas ku Wanda u shpërblye për drejtimin e edicionit lokal të Master chef. Nuk ka tekst, vetëm disa figura që tregojnë një zemër dhe një luan. Ndoshta një mesazh inkurajimi për gruan e tij në atë që duket të jetë një kohë e vështirë për të gjithë familjen.

Sipas “La Nacion”, Wanda Narës iu desh të pezullonte një udhëtim familjar që kishte planifikuar në Evropë, në Milano. Shkak për shtrimin në spital do të ishin dhimbjet e forta të barkut. Meqenëse testet zbuluan një nivel të lartë të qelizave të bardha të gjakut, Wanda iu nënshtrua një serie kontrollesh të mëvonshme më të sakta, rezultatet e të cilave priten të publikohen. Prandaj mjekët vendosën ta shtronin në spital për disa orë dhe më pas ta lironin.