PD përmes kryetarit të grupit Gazment Bardhi kanë kërkuar interpelancë.

Të dyja këto kërkesa janë rrëzuar poshtë, tregon Bardhi me argumentin se nuk ka një urgjencë që të zhvillohen.

Sekretari i Përgjithshëm i PD-së, ka deklaruar për mediat se kryeministri Edi Rama, ka nevojë për një aleancë me krimin e oraganizuar.

“Parlamenti dyqan personal i Zotos dhe Mërtirit”, ka thënë Bardhi ku ka shtuar se këta dy persona vazhdojnë të marrin paratë e shtetit, së bashku me Ahmetajn i cili vijon bëjë transferta.

Në një prononcim për mediat, në përfundim të mbledhjes së grupit parlamentar ditën e djeshme, Gazment Bardhi tha se Rama e ka për detyrim të jetë i pranishëm në seancën e së enjtes, pasi sic tha ai është i vetmi që mund të lëvizë të gjithë mekanizmin shtetëror për këtë aferë.

Gazment Bardhi: Duke shfaqur në këtë mënyrë vizionin e saj për shndërrimin e parlamentit nga parlamenti që mbron interesat e qytetarëve shqiptar në një dyqan që mbron interesat e Klodian Zotos dhe Mire Mërtirit. Fakti që paratë e shqiptarëve transferon të dy njerëz në arrati nuk është një çështje urgjente për Kuvendin.

Interpelanca urgjente dhe mocioni me debat janë dy kërkesa të drejta. Sado siklet dhe hall të ketë Edi Rama mbi këtë çështje duhet të respektohet kushtetuta dhe rregullorja. Nuk ka urgjencë thotë Kuvendi. Klodian Zoto dhe Arben Ahmetaj mund të marrin para nga buxheti i shtetit.

Paratë e shqiptarëve mund të financojnë arratinë e tyre personale. Është një çështje që për mazhorancën konsiderohet e ezauruar. Kërkesa për interpelancë kërkonte këtë gjë. Do të zbatohet kushtetuta dhe rregullorja. Rrethi në të cilin kryetarja e kuvendit ka futur veprimtarinë parlamentare është një rreth i rrezikshëm.